Монгол Улс нь Зүүн, Зүүн Өмнөд Азийн Геологийн Шинжлэх Ухааны Төсөл Хөтөлбөрийг Зохицуулах Хороо (CCOP)-ны гишүүн орноор 2018 онд элсэж, хамтын ажиллагаагаа өргөжүүлэн ажиллаж байгаа.
Энэ хүрээнд БНСУ-ын Ханьян их сургууль 2024 оны гуравдугаар сарын 2-нд эхлэх “Global Energy Technology Policy Professionals” хөтөлбөрт CCOP гишүүн орнуудаас тэтгэлэгт хамрагдах хүсэлтэй хүмүүсийг магистр, докторын тэтгэлэгт хөтөлбөрт урьж байна.
Тэтгэлгийн зорилго:
- Эрчим хүчний салбар дахь хүний нөөцийг бэлтгэх, чадавхжуулах
- Олон улсын түвшинд судалгаа, шинжилгээний байгууллага хоорондын хамтын ажиллагааг хөгжүүлэх, нэгдсэн сүлжээг бий болгоход оршино.
Мэргэшсэн байдал:
БНСУ-аас бусад орны иргэншилтэй байх (үүнд нэр дэвшигчийн эцэг эх нь хамаарах бөгөөд Солонгос улсын иргэншилтэй тохиолдолд өргөдөл гаргах үед тухайн иргэншлээс татгалзсан байх)
Академик түвшин:
- Магистрын хөтөлбөрт суралцах хүсэлт гаргагч нь бакалаврын зэрэгтэй байх
- Докторын хөтөлбөрт суралцах хүсэлт гаргагч нь магистр болон бакалаврын зэрэгтэй байхыг шаардана.
Тэтгэлэг:
- Сургалтын төлбөр 100% (Магистр 2 жил, доктор 3 жил)
- Нэг талын онгоцны зардал
- Сар бүр 1,800,000 вонын стипенд /(татвар 8.8%)
- Гадаад иргэдийн даатгал, визийн хураамж
- Солонгос хэл, соёлын хөтөлбөр
Цахим өргөдлийг 2023 оны есдүгээр сарын 1-ний 10:00 цагаас эхлэн аравдугаар сарын 6-ны 17:00 цагийн хооронд хүлээн авна. Өргөдөл гаргахаас өмнө цахим мэдэгдлийг шалгана уу.
Шаардлагатай баримтууд:
- Өргөдлийн маягт
- Суралцах хүсэлт болон сургалцах хөтөлбөрийн төлөвлөгөө
Шалгалт, ярилцлагад орохын тулд дараах хоёр баримтыг илгээх https://oia.hanyang.ac.kr/
Консулын газраас бичиг баримтын шалгалтад багагүй хугацаа шаардлагатай байдаг тул бусад баримт бичгээ бэлтгэж байхыг зөвлөж байна. Хувийн мэдүүлэгтээ ССОР-ын аль гишүүн орноос хүсэлт гаргаж буйгаа тодотгоно уу.
Жич: Энэхүү мэдээллийг ССОР-ын гишүүн орноос авсан болон тус орноос ирсэн гэдгээ тодорхой бичнэ үү.
Тус сургуулийн дэлгэрэнгүй танилцуулгыг ЭНД дарж уншиж, танилцах боломжтой.
Эх сурвалж: Уул уурхай хүнд үйлдвэрийн яам
