Сувд нэртэй чихуахуа үүлдрийн бяцхан нохой дэлхийн хамгийн намхан нохойгоор "Гиннесийн ном"-д бүртгэгджээ. Тус нохой хоёр настай бөгөөд 9.14 см өндөртэй, 500 гр орчим жинтэй. 9.14 см гэхээр зайрмагны модон ишээс үл ялиг намхан, цайны аяганаас үл ялиг өндөр гэсэн үг юм. Хүзүүнээс хойших их бие нь 10 фунтын мөнгөн дэвсгэрттэй ижил урттай. Нохойн уртыг Орландогийн "Crystal Creek" мал эмнэлэгт зориулалтын багажаар хэмжжээ.
Сувд нохой тахианы мах, салмон загас зэрэг чанартай хоол идэж, ганган хувцаслах дуртай. Италийн телевизийн авьяасын шоунд Сувд нохой оролцож байсан. Тухайн үед улаан өндөгний баярын өндөг хэлбэртэй бяцхан суудал дээр түүнийг суулгаад, танхимд оруулж ирэх үед үзэгчид өхөөрдөн шуугилдаж байжээ. Эзэн нь түүнийг "Жижигхэн дива" гэж өхөөрддөг.
